خاس یاخود (کاهوو) سوودێكی زۆری بۆ جەستە هه‌یه ـ بە
تایبەتی بۆ لەناوبردنی كۆلێسترۆڵی خۆین ، خاس وایكردووە
زۆربەی وڵاتانی جیهان بەرهەمی بهێنن و لە سەر سفرەی زۆربەی
مالان زەڵاتە و خاس دەبینرێ. كاهوو یەكێكە لە سەوزە
كۆنەكانی جیهان كە سەرچاوەكەی دەگەرێتەوە بۆ شەش سەدی پێش
زایین و لە هیندستان و ئاسیای ناوەراست بەرهەمیان هێناوە
ویەك سەدە پێش زایین هاتووەتە ڕۆم و بووە بە گرینگترین
خواردنەكانی ڕۆمییەكان . (كریستۆفه‌ر كلۆمبۆس) تۆوی خاسی
لە گەڵ خۆی بردە كیشوەری ئەمەریكا، كە ئێستا لە هەموو
ئەمەریكا بەرهەم دێت. خاس بە هۆی ماددەیەكی كیمیاوییەوە بە
ناوی (لاكتۆسین) سەوزەیەكی ئارامبەخش و سوكنایدەرێكی
سرووشتیە . خاس خۆین خاوێن دەكاته‌وه ودەیپاڵێوێت، كاهوو
خواردنێكی سوكە و زوو دەتاوێتەوە و خەوهێنەرە و بۆ ئەو
كەسانەی زووخەویان لێ ناكەوێت زۆر بەسوودە
خاس بۆ سۆمای چاو و بە هێزكردنی مێشك زۆر باشە و پڕە
لە ئاو و خوێگەلی كانزایی و دژی گرفتیشه . خاس بە هۆی
ئاسنی زۆرەوە بۆ ئەوانەی كەمی خۆێنیان هەیە زۆر بە سوودە،
بۆ ئەوانەی وا ئیشتیهایان كەمە و خۆاردنیان پێ ناخورێ زۆر
باشە و بۆ دامركاندنی ئێشی گەدە و سپڵ و بەهێزكردنی سپڵ و
جەرگ بەسوودە. گەڵا سەوزەكانی خاس دانستە و ڤیتامینی زۆری
تێدایە بە تایبەت ڤیتامینی ئەی و سی
