دادگای باڵای تاوانه‌كان:سزادانی رۆژنامه‌نووس مونته‌زه‌ر ئه‌لزه‌یدی به‌ 3 ساڵ به‌ندكردن

دادگای باڵای تاوانه‌كان بڕیاریدا به‌ سزادانی رۆژنامه‌نووس مونته‌زه‌ر ئه‌لزه‌یدی به‌ 3 ساڵ به‌ندكردن
به‌گوێره‌ی سه‌رچاوه‌كانی هه‌واڵ‌ ، مونته‌زه‌ر ئه‌لزه‌یدی په‌یامنێری كه‌ناڵی ئاسمانیی به‌غدادیه‌ ، كه‌ پێڵاوه‌كانی گرته‌ جۆرج بوشی سه‌رۆكی ئه‌مریكا ، له‌لایه‌ن دادگای باڵای تاوانه‌كانه‌وه‌ به‌ 3 ساڵ‌ به‌نكردن سزادرا
به‌پێی بڕیاری دادگا ، ئه‌و تاوانه‌ی به‌سه‌ر ئه‌لزه‌یدیدا ساغكراوه‌ته‌وه‌ بریتیه‌ له‌ "هێرشكردنه‌ سه‌ر سه‌رۆكێكی بیانی" ، كه‌ به‌پێی یاسای عێراق زۆرترین سزای ئه‌و تاوانه‌ ده‌گاته‌ 15 ساڵ‌ به‌ندكردن.
له‌لایه‌ن خۆشیانه‌وه‌ ، ژماره‌یه‌ك له‌ لایه‌نگرانی ئه‌لزه‌یدی له‌به‌رده‌م بینای دادگای باڵای تاوانه‌كاندا له‌ به‌غدا كۆبوونه‌وه‌ و، داوای ئازادكردنیان ده‌كرد