زیانه‌کانی که‌م خه‌وی

توێژینه‌وه‌ نوێیه‌كان ئه‌وه‌یان ده‌رخستووه‌ كه‌ كه‌م خه‌وی ئه‌بێته‌ هۆی دروستبوونی خه‌مۆكی وپه‌ستانی ده‌روونی و له‌ده‌ستدانی توانای ووردبینی.
پزیشكه‌كان له‌و باوه‌ڕه‌دان ئه‌و كه‌سانه‌ی توشی خه‌مۆكی ئه‌بن له‌كاتی خه‌وتندا توانای هه‌ناسه‌دانیان 5 جار كه‌متره‌ له‌و كه‌سانه‌ی دووچاری خه‌مۆكی نه‌بوون.
ستیكغودی توێژه‌ره‌وه‌ له‌ زانكۆی هارفاردی ده‌ڵێت:زۆربه‌ی ئه‌و كه‌سانه‌ی توشی خه‌مۆكی و نه‌خۆشی شیزۆفرینیا ئه‌بن هۆكاره‌كه‌ی ئه‌گه‌ڕێته‌وه‌ بۆ كه‌م خه‌وی و تێكچوونی عه‌قڵی.
له‌ لایه‌كی تره‌وه‌ رۆژنامه‌ی(دایلی مایل)یئاماژه‌ی به‌وه‌دا كه‌(بول بیبارد)ی توێژه‌ر وتی:زۆربه‌ی ئه‌و كه‌سانه‌ی دووچاری نه‌خۆشی ته‌نگه‌نه‌فه‌سی ئه‌بن و به‌گران هه‌ناسه‌یان بۆ ئه‌درێت و هه‌ست به‌ ئاره‌ق كردنه‌وه‌و قه‌له‌قی و خه‌مۆكی ئه‌كه‌ن ئه‌و كه‌سانه‌ن كه‌ به‌ كه‌می ئه‌خه‌ون و خه‌وتنیان وه‌ك مرۆڤی ئاسای نیه‌.
هه‌روه‌ها د.مات ولكر له‌ زانكۆی كالیفۆرنیا پێی وایه‌ ئه‌و كه‌سانه‌ی دووچاری كه‌م خه‌وی ئه‌بن وایان لێدێت به‌شێك له‌ چالاكیه‌كانی مێشكیان ئه‌وه‌ستێت و به‌شێوه‌یه‌كی ره‌شبین سه‌یری ژیان ئه‌كه‌ن و توانای تێكه‌لاَوی و قسه‌ كردنیان له‌ خه‌ڵكی ئاسایی كه‌متره‌ و ناتوانن به‌ ئاسانی له‌گه‌ڵ ئه‌و ژینگه‌یه‌دا تێكه‌ڵ بن كه‌ تیایدا ئه‌ژین.