له‌ چین بارانی ده‌سکرد درووس کرا

له‌ به‌یاننامه‌یه‌كی‌ ده‌زگای‌ كه‌شناسی‌ چینییه‌وه‌ رایگه‌یاند: به‌رپرسانی‌ كه‌شوهه‌وا نزیكه‌ی‌ 2392 گوللـه‌ تۆپ و 409 مووشه‌كی‌ له‌ 127 كرده‌وه‌ی‌ خه‌ستكردنه‌وه‌ی‌ هه‌وره‌كاندا ته‌قاندووه‌

ئاژانسه‌كه‌ ئاماژه‌ی‌ به‌وه‌دا كه‌ له‌و ناوچانه‌ی‌ دووچاری‌ وشكه‌ساڵی‌ بوونه‌ته‌وه‌ وه‌ك ناوچه‌كانی‌ خنان و قانسو نینگشی و شنشی‌ و شانشی‌ و هوبی‌ و ئانهوی‌ باران چڕكراوه‌ته‌وه‌
ئاژانسه‌كه‌ ئه‌وه‌شی‌ خسته‌ڕوو كه‌ به‌هۆی‌ ئه‌و هه‌ڵمه‌ته‌ی‌ ده‌زگای‌ كه‌شوهه‌واوه‌ له‌ ناوچه‌ی‌ خنان كه‌ یه‌كێك له‌ ناوچه‌ به‌رهه‌مهێنه‌ره‌كانی‌ گه‌نمه‌ له‌ ناوه‌ڕاستی‌ چیندا و رووبه‌ڕووی‌ توندترین حاڵه‌تی‌ وشكه‌ساڵی‌ بۆته‌وه‌ باران به‌ڕێژه‌ی‌ 5 ملیمه‌تر له‌ 17 پارێزگا و شاردا باریوه‌
سه‌نته‌ری‌ كه‌شناسی‌ نیشتمانی‌ ئاماژه‌ی‌ به‌وه‌دا كه‌ تا ئه‌مڕۆ چه‌ند ناوچه‌یه‌ك به‌ڕێژه‌ی‌ 1 بۆ 5 ملیمه‌تر بارانی‌ ده‌ستكردیان لێباریوه‌ و له‌چه‌ند به‌شێكی‌ ناوچه‌كانی‌ شنشی‌ و شانشی‌ و هوبی‌ و ئانهوی‌ هه‌وری‌ چڕ بونه‌ته‌وه‌
سه‌نته‌ره‌كه‌ پێشبینی‌ ده‌كات ئه‌مڕۆ و سبه‌ینێ‌ باران و به‌فر له‌ چه‌ند ناوچه‌یه‌كی‌ باكووری‌ خۆرئاوا و باشووری‌ خۆرئاواو ناوه‌ڕاستی‌ چیندا ببارێت.
شایانی‌ باسه‌ ده‌سه‌ڵاتدارانی‌ چین حاڵه‌تی‌ نائاسایی قورسیان راگه‌یاند بۆ رووبه‌ڕووبوونه‌وه‌ی‌ ئه‌و وشكه‌ساڵییه‌ی‌ له‌ تشرینی‌ دووه‌مدا زۆربه‌ی‌ ناوچه‌كانی‌ باكووری‌ گرته‌وه‌ و به‌هۆیه‌وه‌ 7.10 ملیۆن هێكتار به‌روبووم و 37.4 ملیۆن كه‌س و 1.2 سه‌ر ئاژه‌ڵ‌ تا ئه‌مڕۆ زیانیان بوون