دارچناره‌كه‌ی خانزادی میری سۆران 450 ساڵی تێپه‌ڕاند

به‌گوێره‌ی مێژوو خانزادی میری سۆران له‌ساڵی (1545 ز) هاتۆته‌ هیران كه‌ ئه‌وكاته‌ هیران چه‌ند ماڵێكی له‌شێوه‌ی تازه‌ دێیه‌ك لێبووه‌و ئاوێكی زۆری لێبووه‌
به‌هۆی ئه‌م ئاوه‌ زۆره‌وه‌ دڕكوداڵ و بیشه‌رانێكی زۆر رووبه‌ری یه‌ك كیلۆمه‌تر زیاتری داپۆشیوه‌، بۆده‌رخستنی ئاوه‌كه‌و دروستكردنی مزگه‌وت له‌گونده‌كه‌ میر خانزاد ئه‌وكاته‌ به‌رِوبه‌ری 500 مه‌تر چوارگۆشه‌ ده‌وره‌ی ئاوه‌كه‌ی له‌بیشه‌ران پاك كردۆته‌وه‌و مزگه‌وتێكی روو له‌ڕۆژهه‌ڵاتی لێدروستكردووه‌و دارچنارێكیشی له‌سه‌ر ئاوی مزگه‌وته‌كه‌دا چاندووه‌ كه‌ به‌پێی مێژووی هاتنی میر خانزادخان بۆهیران ئه‌مساڵ ته‌مه‌نی ئه‌م دارچناره‌ زیاتر له‌ 450 ساڵ تێپه‌ڕ ده‌كات
ئه‌م دارچناره‌ی كه‌ئێستا له‌حه‌وشی مزگه‌وته‌كه‌دایه‌ ئه‌ستوری قه‌دی 6 مه‌ترو 12 سانتیمه‌تره‌و به‌رزی زیاتر له‌ 20 مه‌تره‌و تاكه‌دارێكه‌ له‌سنوری دۆڵی خۆشناوه‌تی به‌م قه‌باره‌و ئه‌ستوری و گه‌وره‌ییه‌ و مێژووه‌ كۆنه‌وه‌ هه‌بێت و مابێته‌وه‌