عەدەسەی چاو و گرفتەكانی

 لێنزی چاو واتە "عەدەسە" ئەمڕۆكە نە تەنیا وەك جێگرەوەیەكی چاویلكە سوودی لێوەدەگیرێ بگرە وەك مۆدە و كەرەسەیەكی جوانكاریش دەبیندرێ هەرچەندە ئەو ئامێرە پزیشكییە لەجێگای خۆیدا زۆر بە سوودە ئێستاكە لەبری چاویلكە زۆربەی ئەوانەی تووشی گرفتی بینایی هاتوون سوودی لێوەردەگرن چونكە ئەوەی عەدەسەی لە چاو دەكات دەتوانێ ئازادانەتر لە وەرزش كردن و شۆفێری و كاری رۆژانەدا بجوڵێتەوە

هەندێك كەسی دیكە تەنیا بۆ مۆدە و گۆڕینی چاوەكانیان سوود لە عەدەسە دەبینن بەڵام ئەم جۆرە عەدەسەیە ئەگەر بەباشی پارێزگاری لێنەكرێ مەترسی زۆر بە چاوەكانتان دەگەیەنێ بۆ ئەم مەبەستە پێویستە بەرلەوەی عەدەسەكە لەسەر چاو دابنێن دەستەكانتان بە ئاو و سابوون بشۆن. ئەگەر عەدەسەكە بۆ یەكجار نییە دەبێ پاش دەرهێنانی لە ئاوێكی تایبەت بەخۆی رابگیرێت تەنیا سێ مانگ سوود لەو ئاوە وەربگرن تەنانەت ئەگەر یەكجاریش سوودتان لێوەرگرتبێ لەكاتی حەمام و خۆشوشتندا حەتمەن عەدەسەكە لە چاو دەربێنن.