له‌هه‌ولێر وه‌زیرێكی سویسرا میوزیك ده‌ژه‌نێت

سه‌عات 4 ی سه‌رله‌ئێواره‌ی دوێنێ یه‌كشه‌ممه‌ 1/3 له‌هۆڵی سه‌نته‌ری رۆشنبیری زانكۆی سه‌ڵاحه‌دین، وه‌زاره‌تی رۆشنبیری حكومه‌تی هه‌رێمی كوردستان سیمینارێكی له‌باره‌ی ئه‌زمونی دیموكراتی و فیدرالی سویسرا و ئازادی راده‌ربڕین بۆ پاتریۆس میونی وه‌زیری رۆشنبیری كانتۆنی جنێڤ – سویسرا سازكرد.
سیمیناره‌كه‌ به‌ئاماده‌بوونی ئیدریس هادی وه‌زیری خوێندنی باڵا و توێژینه‌وه‌ی زانستی و فه‌له‌كه‌دین كاكه‌یی وه‌زیری رۆشنبیری و محه‌مه‌د سدیق سه‌رۆكی زانكۆی سه‌ڵاحه‌دین به‌ڕێوه‌چوو.
جگه‌ له‌پێشكه‌شكردنی سیمیناره‌كه‌، وه‌زیری رۆشنبیری سویسرا دووپارچه‌ میوزیكی به‌ئامێری ئۆكۆردیۆن به‌هاوكاری تیپی هونه‌ری میللی و تیپی بێساران پێشكه‌ش به‌ ئاماده‌بووان كرد.